MasterClass í vísindalegri nýsköpun

Auðna og Rannís héldu þriggja daga MasterClass í vísindalegri nýsköpun fyrir styrkþega Rannsóknasjóðs dagana 27. til 29. maí í samstarfi við Hugverkastofunna. Námskeiðið var vel sótt og tókst í alla staði vel. Auk sérfræðinga Auðnu fengum við frábært fólk með okkur í lið, Mathieu Gretti Skúlason frá Evolytes, Eirík Sigurðsson frá Hugverkastofunni, Helgu Valfells frá Crowberry, Þórhall Magnússon rannsóknaprófessor frá HÍ og Ara Kristinn Jónsson frá Videntifier. Á námskeiðinu var fjallað um helstu atriðið er varða hugverkarétt og nýsköpun, vegferð frumkvöðla, verðmætasköpun og fjármögnun verkefna í gegnum sjóði og fjárfesta. María Ellingsen leikkona og leikstjóri kenndi okkur aðferðir við að kynna áhugaverðar hugmyndir fyrir öðrum. Þátttakendur fengu leiðsögn og tækifæri til að hugsa sín eigin rannsóknaverkefni út frá vísindalegri nýsköpun, sem gengur út á að auka verðmæta- og samfélagsleg áhrif rannsókna. Það verður spennandi að fylgjast með þáttakendum í framhaldinu!