Tækifæri
í sjónmáli

samfélagslegur ágóði

Hvaðan má vænta óvæntra uppfinninga og lausna sem valdið geta straumhvörfum og hjálpað til við að mæta helstu áskorunum sem mannkynið stendur frammi fyrir? Við teljum að augljósa svarið sé frá vísindasamfélaginu. Í stórum sem smáum vísindalegum lausnum við alvöru vandamálum felast oft tækifæri til uppskölunar og samfélagslegs ágóða. Við hjá Auðnu Tæknitorgi tengjum saman lausnir sem byggja á vísindum við þá sem ætla að leysa málin. Auðna sér til þess að hugað sé vandlega að hugverkavernd og aðstoðar við að þroska og gera lausnir tækar fyrir bæði atvinnulíf og fjárfesta svo þær komist í gagnið.

Hlutverk þekkingar- og tækniveita er að efla og miðla samfélagslegum áhrifum vísinda í samfélaginu

Við tengjum verkefnin sem fara um okkar hendur við Heimsmarkmið Sameinuðu þjóðanna um sjálfbæra þróun. Það er samfélagið sem hagnast mest á virkri tækniyfirfærslu með hagnýtingu vísinda í formi starfa, fjárfestingartækifæra, framþróunar í atvinnulífi og samkeppnishæfni samfélagsins alls.