AUðNA TÆKNItORG

Hlutverk Auðnu er að aðstoða vísindasamfélagið við að skila uppfinningum og hagnýtanlegum rannsóknarniðurstöðum til samfélagsins í formi lausna, verðmætasköpunar og aukinnar samkeppnishæfni.

Auðna Þekkingar- og Tæknitorg er óhagnaðadrifið fyrirtæki sem sinnir þekkingar- og tækniyfirfærslu fyrir alla háskóla landsins og helstu opinberu rannsóknastofnanir. Auðna er í eigu allra háskóla landsins, Landspítala Háskólasjúkrahúss, Vísindagarða Háskóla Íslands, Matís, Hafrannsóknastofnunar Íslands og Samtaka Iðnaðarins. Hlutverk Auðnu er að aðstoða háskóla- og vísindasamfélagið við að skila uppfinningum og hagnýtanlegum rannsóknarniðurstöðum til samfélagsins í formi lausna, verðmætasköpunar og aukninnar samkeppnishæfni.

Markmið Auðnu er að styðja íslenskt vísindasamfélag með hugverkavernd og greiningu á markaðs- og hugverkalandslagi. Auðna tengir uppfinningar og væntanleg nýsköpunarverkefni við fjárfesta og atvinnulíf. Auðna vill stuðla að auknum samfélagslegum áhrifum og verðmætasköpun vísinda og tækni úr íslensku vísindasamfélagi, bæði á Íslandi og erlendis.

Auðna aðstoðar nemendur háskólanna, uppfinningamenn og vísindafrumkvöðla við greiningu á rannsóknum og uppfinningum. Auðna greinir rannsóknir og uppfinningar með tilliti til einkaleyfishæfis og markaðsmöguleika. Við hjá Auðnu veitum ráðgjöf varðandi hugverkavernd og stofnun sprotafyrirtækja í kringum hagnýtanleg vísindaverkefni. Auðna tengir uppfinningamenn og frumkvöðla við fjármögnun og atvinnulífið. Við veitum einnig upplýsingar um fjármögnun verkefna, meðal annars um styrki. Okkar markmið er að aðstoða þig við að umbreyta vísindavinnu þinni í nýsköpun sem gagnast samfélaginu. Við erum hér til að aðstoða þig og veita upplýsingar.

Auðna vill sjá uppfinningar gera gæfumuninn út í samfélaginu og sýna að vísindin geri gagn. Hjálpaðu okkur að fagna árangri með dæmum um hvernig afrakstur vísinda á Íslandi snertir okkur og skiptir máli. Söfnum saman dæmisögum og komum þeim á framfæri hér!

Til að leggja áherslu á samfélagsleg áhrif tækniyfirfærslu tengjum við tækifærin okkar við Heimsmarkmið Sameinuðu Þjóðanna um sjálfbæra þróun. Mannkynið stendur frammi fyrir stórum áskorunum sem Sameinuðu Þjóðirnar hafa skilgreint og vísindin eru eitt mikilvægasta bjargræðið við þróun lausna og nýrra úrræða. Kannski reynist eitt lítið skref fyrir þig vera stórt fyrir mannkynið? Látum reyna á það saman, allt telur.