Vísindi á vordögum 2026

Vísindi á vordögum: Frá rannsóknum til raunverulegra áhrifa

Í síðustu viku stóðu Heilbrigðisvísindasvið Háskóla Íslands og Landspítali saman að árlegu ráðstefnunni Vísindi á vordögum, þar sem rannsakendur, heilbrigðisstarfsfólk og nemendur komu saman til að kynna og ræða framfarir í vísindum á Íslandi.

Ingunn Sigurpálsdóttir, framkvæmdastjóri Auðnu tæknitorgs, tók þátt í ráðstefnunni ásamt Ástu Sóllilju Guðmundsdóttur, framkvæmdastjóra KLAK – Icelandic Startups. Saman tóku Auðna og KLAK þátt í tveimur málstofum þar sem markmiðið var að kynna rannsakendum og doktorsnemum það stuðningsumhverfi sem stendur til boða og undirstrika mikilvægi þess að færa rannsóknir yfir í raunveruleg áhrif í samfélaginu.

Auðna vill þakka Háskóla Íslands og Landspítala kærlega fyrir vel heppnaða ráðstefnu. Við hlökkum til að fylgjast með allri þeirri spennandi nýsköpun sem mun spretta úr þessu öfluga rannsóknasamfélagi.

📸 Kristinn Ingvarsson - Háskóli Íslands