UM AUÐNU

Tölvupóstur: einarm[hja]ttoiceland.is

Einar er framkvæmdarstjóri Auðnu tæknitorgs. Hann er með doktorsgráðu í sameindaerfðafræði og MBA in Innovation and Business Creation frá Tækniháskólanum í Munchen (TUM). 

Einar hefur þriggja áratuga alþjóðlega reynslu af lífvísindum, líftækni og þróun líftæknilyfja. Hann hefur unnið sem frumkvöðull og stjórnandi að tækni- viðskipta- og vöruþróun og hefur unnið að stefnumótun á sviði nýsköpunar innan félagasamtaka, fyrirtækja og háskóla. 

Einar hefur kennt ýmsar greinar líftækni við innlenda og erlenda háskóla og ver gesta-dósent við Lyfjafræðideild Háskóla Íslands. 

Einar leiddi undirbúning að stofnun Auðnu tæknitorgs sem verkefnisstjóri nýsköpunar fyrir Háskóla Íslands og hefur setið í stjórnum Vísindagarða HÍ, Icelandic Starftups og íi stjórnum vísindalegra sprota úr HÍ. 

Einar er meðlimur í alþjóðlegri dómnefnd Eureka Eurostars nýsköpunar áætlunarinnar. Einar err frumkvöðull og meðstofnandi ORF Líftækni hf. Og DISACT efh. „Vísindin eru lykillinn að betra, upplýstara og samkeppnishæfara samfélagi.“

Tölvupóstur: sverrir[hja]ttoiceland.is

Sverrir Geirdal er viðskiptaþróunarstjóri Auðnu tæknitorgs. Hann er með MBA frá Viðskiptaháskólanum í Kaupmannahöfn (CBS)m diplóma í rekstrar-og viðskiptafræði frá EHÍ ásamt diplóma í kerfisfræði frá EDB skólanum í Odense. 

Hann hefur áralanga reynslu af fjármögnun nýsköpunarverkefna, fyrst hjá Nýsköpunarsjóði atvinnulífsins og síðar á eigin vegum. Sverrir rak eigið ráðgjafafyrirtæki um langt árabil þar sem hann sinntil ráðgjöf í upplýsingatækni, stefnumótun, viðskiptaþróun og rekstri. 

Sérsvið Sverris er upplýsingatækni og fjármálageirinn. Eftir að hafa sinnt annarskonar verkefnum á sviði endurskoðunar og gagnastjórnunar snýr Sverrir sér aftur að nýsköpuninni með það fyrir augum að brúa bilið á milli vísindastarfisins á Íslandi og atvinnulífsins. Það er bjargföst trú hans að þannig megi auka lífsgæði og velsæld í landinu.

Tölvupóstr: lydur[hja]ttoiceland.is

Lýður Skúli Erlendsson er vísinda- og nýsköpunarstjóri Auðnu Tæknitorgs. Hann er með doktorspróf í örverufræði frá Háskólanum í Lundi í Svíþjóð. Eftir útskrift starfaði Lýður hjá ORF Líftækni í nokkur ár áður en hann hóf störf hjá Rannsóknamiðstöð Íslands (Rannís). Þar starfaði hann sem teymisstjóri á rannsókna- og nýsköpunarsviði sem rekur stærstu opinberu stuðningsáætlanir við nýsköpun í landinu, Tækniþróunarsjóð og Skattfrádrátt rannsókna- og þróunarverkefna.

Lýður hefur því mikla reynslu af fjármögnun og samstarfi við frumkvöðla, sprotafyrirtæki og vísindasamfélagið. Lýður situr í stjórn Nordic Innovation sem styður við nýsköpun og aukna samkeppnishæfni nýsköpunarfyrirtækja á Norðurlöndum. 

Lýður hefur jafnframt tekið virkan þátt í undirbúningi og framkvæmd alþjóðlega samstarfsneta eins og BlueBio Cocund og Atlantic Ocean Research Alliance (AORA). Hann er einn af stofnendum Marine Mictobiome Forum sem er samstarfsvettvangur vísindamanna og stefnumótandi aðila í EU, USA og Kanada á fræðasviðinu. 

Lýður telur að nýsköpun sé án efa lykill að hafsæld í samfélaginu og að vísindi sé ein meginuppspretta nýrra tækifæra. Tækniyfirfærsla úr akademísku umhverfi yfir í iðnaðinn er því mikilvægur fyrir mótun öflugs nýsköpunarsamfélags.

Kristinn er stjórnarformaður Auðnu, prófessor við Rafmagns- og tölvuverkfræðideild Háskóla Íslands og jafnframt formaður Hugverkanefndar Háskóla Íslands og Landspítala Háskólasjúkrahúss. Áður en hann kom til starfa við HÍ starfaði hann yfir 20 ár við hagnýtar rannsóknir og vöruþróun, ásamt einkaleyfavinnu, á alþjóðlegum vettvangi.

Ólafur er lyf- og lungnalæknir. Hann er í leyfi frá stöðu sinni sem framkvæmdastjóri lækninga við Landspítala og starfar tímabundið sem ráðgjafi í heilbrigðisráðuneytinu. Hann hefur lengi  sinnt lækningum, stjórnun, kennslu- og vísindastörfum, nú síðast breytingastjórnun sem forstöðumaður lungna- og ofnæmisþjónustu Karolinska sjúkrahússins í Stokkhólmi 2022-2023. Árið 2000 uppgötvaði hann ný áhrif sýklalyfsins azithromycin á þekjufrumur lungna og tók síðar þátt í stofnun EpiEndo Pharmaceuticals sem byggir á þessari uppgötvun.

Tatjana er stjórnarmaður Auðnu. Hún er framkvæmdastjóri hugverkaréttar hjá Össuri, leiðandi á heimsvísu í bæklunarlækningum án skurðaðgerða. Tatjana sér um að samræma og hafa umsjón með alþjóðlegu hugverkasafni fyrirtækisins, sem samanstendur í dag af yfir 1500 einkaleyfum og 500 vörumerkjum.

Anna Kristín lauk doktorsprófi í stofnerfðafræði við Dyflinnarháskóla á Írlandi. Hún er aðstoðarforstjóri og rannsókna- & nýsköpunarstjóri Matís ohf. Áður starfaði hún hjá Hafrannsóknastofnuninni og Rannís. Anna Kristín er með langa reynslu í að stýra rannsóknaverkefnum í samstarfi við innlenda og erlenda aðila. Hún er stjórnarnefndafulltrúi í rannsóknaáætlunum Evrópusambandsins (ESB) síðan 2006 og var fulltrúi Íslands í nokkrum vísinda- og ráðgjafanefndum. Verið leiðbeinandi og prófdómari fjölda masters og doktorsnema. Hlaut hvatningarverðlaun Vísinda- og tækniráðs árið 2000.

Sigurður er framkvæmdarstjóri Samtaka iðnaðarins og stjórarformaður Nýsköpunarsjóðs atvinnulífsins. Áður starfaði hann í fjármálageiranum í tíu ár, síðast sem framkvæmdarstjóri eignarstýringar hjá Kviku og áður sem framkvæmdarstjóri Júpíter rekstrarfélags. Hann var ráðgjafi stjórnvalda við losun fjármagshafta og Leiðréttinguna árin 2013-2015. Sigurður er með doktorsgráðu í stærðfræði frá Oxford háskóla.

Guðbjörg er framkvæmdarstjóri Tækniseturs ehf. Sem er rannsókna- og þróunar fyrirtæki á sviði efnistækni og mannvirkjarannsókna og hefur um árabil stýrt starfsemi Álklasans sem er vettvangur fyrir nýsköpun á sviði áliðnaðar. Hún hefur víðtækja reynslu af rekstri innlendra og alþjóðlegra rannsóknar og þróunarverkefna.

Dr. Ólafur Eysteinn Sigurjónsson er sviðsforseti tæknisviðs Háskólans í Reykjavík. Ólafur Eysteinn hefur verið prófessor í heilbrigðisverkfræði við HR síðan 2017, var þar áður dósent frá 2014 og lektor frá 2008. Hann hefur meðal annars kennt sameinda- og frumulíffræði, vefjaverkfræði, lífaflfræði og lífefnisfræði. Ólafur Eysteinn hefur verið forstöðumaður rannsókna, nýsköpunar og stofnfrumuvinnslu Blóðbanka Landspítala frá árinu 2006 og er samhliða því klínískur prófessor við læknadeild Háskóla Íslands. Ólafur Eysteinn hefur setið í stjórn Skandinavísku lífstoðefnissamtakanna frá árinu 2013 og var forseti þeirra 2016-2019. Ólafur er formaður vinnuhóps um nýsköpun hjá European Blood Alliance.