Niðurstöður rannsókna og uppfinningar byggðar á þeim kunna að skipta sköpum við að betrumbæta samfélagið. Kynntu þér hvernig hægt er að auka áhrif rannsókna með því að tryggja hugverkarétt áður en niðurstöður eru birtar opinberlega. Það er hægt að gera hvort tveggja; verja og birta, en það verður að gerast í þeirri röð. Uppistöðuna að einkaleyfi er hægt að vinna meðfram skrifum á handriti svo þetta er ekki tvöföld vinna og gæti margborgað sig.

Hafðu samband við tengilið þinnar stofnunar við Auðnu Tæknitorg til að ræða verkefni þitt. Tengiliðirnir eru bundnir trúnaðarskyldu varðandi innihald verkefnisins. Verkefni berast svo til Auðnu Tæknitorgs í gegnum tengiliðanna. Ástæðan fyrir þessu fyrirkomulagi er að vinnuveitendur eiga rétt á uppfinningum starfsmanna sinna og þurfa því að samþykkja að senda verkefnin áfram til Auðnu Tæknitorgs.

Hugverkavernd getur stóraukið virði og hagnýtingu rannsókna þinna eða sprotafyrirtækis þíns. Verndin er í sumum tilvikum forsenda fyrir því að hún komist í gagnið. Við hjálpum þér að meta og vernda uppfinningu þína og höldum utan um hugverkarétt þinn í upphafi. Við greinum og leggjum mat á ýmsum hliðum uppfinningarinnar, könnum einkaleyfishæfi, einkaleyfa gagnagrunna og skoðum markaðslandslag. Einnig veitum við ráð með næstu skref til að koma niðurstöðum rannsókna og uppfinningum í gagnið.

Tegundir hugverkaréttar

Hugverkavernd getur stóraukið virði og hagnýtingu rannsókna þinna eða sprotafyrirtækis þíns. Verndin er í sumum tilvikum forsenda fyrir því að hún komist í gagnið. Við hjálpum þér að meta og vernda uppfinningu þína og höldum utan um hugverkarétt þinn í upphafi. Við greinum og leggjum mat á ýmsum hliðum uppfinningarinnar, könnum einkaleyfishæfi, einkaleyfa gagnagrunna og skoðum markaðslandslag. Einnig veitum við ráð með næstu skref til að koma niðurstöðum rannsókna og uppfinningum í gagnið.

Ekki láta ræna þig uppfinningunni!

Fyrirtæki og einstaklingar sem verja fjármunum, tíma og kröfum í rannsóknir, þróun og markaðssetningu afurða sinna þurfa að hindra að þriðji aðili ræni þá ekki uppfinningunni og afrakstri nýsköpunarinnar. Hugverkavernd er mikilvægur liður í því að minnka þessa áhættu. Þess vegna er stefna í hugverkavernd mikilvægur liður í góðri viðskiptaáætlun. Einkaleyfi, vörumerki og höfundarréttur eru algengustu formin á hugverkarétti, en hönnunarvernd getur einnig verið mikilvæg og skipt miklu máli hvað varðar vörur á markaði. Myndin hér til hliðar sýnir ferlið frá umsókn til endaloka hinna ýmsu hugverkaréttinda.

Þegar við höfum lokið greiningarvinnu okkar og tekið viðeigandi skref til að tryggja hugverkaverndina er komið að koma verkefninu á framfæri við atvinnulífið og leita réttu fjárfestana. Það gerum við með því að setja upp kynningastefnu og markaðskynningar sem byggja á greiningum og tökum næstu skref í nánu samráði við uppfinninga og/eða vísindamennina. Þetta kallar á marga fundi og fjölda kynninga á fjölbreytilegum vettvangi.

Til að setja þekkingar- og tækniyfirfærslu og verkefni þitt í stærra samhengi, tengjum við verkefnin og vinnu okkar við Heimsmarkmið Sameinuðu Þjóðanna. Því vísindin og hugvitið skipta máli.

Í kjölfar markaðsstarfs taka við samningaviðræður við áhugasama fjárfesta, samstarfsaðila úr atvinnulífinu eða frumkvöðla sem vilja grípa boltann og taka verkefnið áfram. Slíkir samstarfs- og nytjaleyfissamningar sem snúa að hugverkarétti geta verið flóknir og framandi.
Við sjáum til þess að hagfelldir samningar við réttu aðilana náist þar sem hagsmuna þinna er gætt.